Gunnhildur tekur við menntaverðlaunum Suðurlands úr hendi forseta Íslands hr. Ólafi Ragnar Grímssyni. 

Á hátíðarfundi Fræðslunetsins - símenntunar á Suðurlandi var Njálureflinum veittur sá heiður að hljóta menntaverðlaun Suðurlands fyrir árið 2014. Það eru Samtök sunnlenskra sveitarfélaga sem veita þessi verðlaun og voru 11 aðilar tilnefndir að þessu sinni. Það var forseti Íslands hr. Ólafur Ragnar Grímsson sem afhenti verðlaunin. 

Það er mikil viðurkenning fyrir Njálurefilinn að hljóta þessi verðlaun og eru aðstandendur verkefnisins, þær Christina M. Bengtson og Gunnhildur Edda Kristjánsdóttir afar þakklátar fyrir hana og einnig öllum þeim sem hafa tekið þátt í verkefninu með þeim. 

Bráðum koma blessuð jólin. Við ætlum að taka gott jólafrí í Refilstofunni. Það verður lokað hjá okkur frá 3.des. til 12. jan.

Við byrjum aftur með okkar föstu opnunartíma þriðjudaginn 13. janúar 2015 kl.19:00

Takk fyrir góða samvinnu við refilinn, við óskum ykkur gleðilegrar aðventu og jólahátíðar.

Dagskrá og opið hús í Sögusetrinu á Safnahelgi 1. – 2. nóvember 2014

Að þessu sinni verður „hálf-maraþon saumahelgi“ saumað frá 10:00 á laugardegi til 17:00 á sunnudegi með svefni á milli.

Aðalheiður M. Gunnarsdóttir syngur fyrir gesti  laugardag kl. 14:00 og sunnudag kl. 15:00

Í gærkvöldi þriðjudaginn 14. október 2014 voru tímamót í sögu Njálurefilsins. Þá skrifaði fimmþúsundasti saumarinn nafnið sitt í gestabókina. Það var enignn annar en hún Helga Sigurðardóttir, sem er einn dugmesti saumarinn, hefur mætt á hverju þriðjudagskvöldi síðan saumaskapurinn hófst. Við óskum Helgu innilega til hamingju. Helga fékk veglegan handavinnupakka að gjöf í tilefni tímamótanna. Valdi sé mynd af Hallgerði, Glúmi og Þorgerði.

Í sumar verður opið þriðjudaga til laugardaga kl: 10:00-18:00, lokað á sunnu-og mánudögum.

This summer will be open Tuesdays to Saturdays at: 10:00 to 18:00, closed on Sundays and Mondays.

Áhugafólk um Frakkland athugið!

Þriðjudaginn 6. maí n.k. kl 19:00 verður haldinn kynningarfundur um hópferð til Frakklands

þar sem skoða á hinn heimsfræga Bayeux-refil.

Njáll, Bergþóra og synirnir sex á Bergþórshvoli.

Laugardaginn 5. apríl og sunnudaginn 6. apríl var fyrsti hluti Njálurefilsins (23 metrar) frumsýndur í Gallerý Ormi í Sögusetrinu á Hvolsvelli. Atburðurinn var hluti af Leyndardómum Suðurlands. Þetta var eina tækifærið til að skoða refilinn uppsettan þangað til hann verður fullbúinn og settur upp í endanlegri mynd. Fjölmargir komu í heimsókn þessa helgi til að skoða refilinn og taka nokkur spor. Hér má sjá myndir frá frumsýningunni. 

1 árs afmæli refilsins, opið hús í Sögusetrinu.

Sunnudaginn 02.02 kl 14:00 ætlum við að halda uppá að það er liðið eitt ár frá því
að byrjað var að sauma „Njálurefilinn.“

Við ætlum að gera okkur ýmislegt til skemmtunar í tilefni dagsins og að sjálfsögðu mæla hvað okkur hefur tekist að sauma mikið á einu ári.

Boðið verður upp á kaffi og afmælisköku fyrir gesti og gangandi

Allir velkomnir í Sögusetrið.

Saumatímar á aðventu

Frá og með laugardeginum 30. nóvember til og með laugardaginn 4. Janúar 2014 verður frí frá saumaskapnum á laugardögum.
Laugardagstímarnir byrja aftur 11. Janúar.
Áfram verður saumað í desember á þriðjudagskvöldum kl. 19-22 og eftir hádegi á fimmtudögum kl. 14-17
Nú er starfsmaðurinn okkar hún Sigurbjörg Fríða að hætta hjá okkur, við höfðum samning um að hafa hana hjá okkur í sex mánuði sem nú eru liðnir. Hún Sigga Fríða er búin að standa sig alveg frábærlega vel í þessu verkefni og við munum sakna þess að hafa hana ekki í vinnu hjá okkur lengur en við sjáum hana örugglega af og til með nál í hendi.

MARAÞON,  Safnahelgi á Suðurlandi

Nú nálgast SAUMA-MARAÞON helgin.

Þann 1. til 3. nóvember ætlum við að sauma allan sólarhringinn við byrjum kl.13:00 á föstudegi til kl.18:00 á sunnudegi. Gott væri að skrá sig hjá okkur á Facebook, njalurefill@gmail.com eða í síma 861-8687 / 892-6902 og segja á hvaða tíma þig langar að sauma. Annars er líka velkomið að mæta hvenær sem er á meðan húsrúm leyfir. Hlökkum til að sjá ykkur

Fyrsta helgin í nóvember er Safnahelgi á Suðurlandi og þá verður efnt til ýmissa viðburða í Sögusetrinu og hjá Njálureflinum. Nánari fréttir um dagskrána verða birtar innan tíðar.

Árgangur 2015 mættur í hús. Kíkið endilega á úrvalið. 

Handavinnupakkar eru til sölu í versluninni Unu sem er í bragga á bakvið Krónuna. Skoðið úrvalið og verðin hér.

We sell handcraft with pictures from the Njal's saga at Una localstore. Look at the selection and prices here.

We completed the embroidery on September 15th 2020. The tapestry is a total 91.16 m long and likely to be the longest tapestry in the world. Ahead to find it future place/museum and to find ways to exhibit it in the best way. We are very happy with this milestone and thank all those who contributed to the project.

Föstudaginn 8. mars kl. 16:00 mætir sýslumaðurinn okkar Kjartan Þorkelsson í fullum skrúða í Sögusetrið á Hvolsvelli til að draga út þann heppna sem vinnur ferð til Bari á Ítalíu. Það er ennþá nægur tími til að skrá sig í Hollvinafélagið fyrir útdráttinn á föstudaginn en að sjálfsögðu er hægt að ganga í félagið hvenær sem er eftir það.

In English

Njálurefillinn verður saumaður í Sögusetrinu á Hvolsvelli. Það eru þær Gunnhildur Edda Kristjánsdóttir og Christina M. Bengtsson sem eru aðalhvatakonur verkefnisins. Kristín Ragna Gunnarsdóttir teiknari og listamaður er hönnuður Njálurefilsins. Fyrstu sporin voru tekin 2. febrúar 2013 við formlega opnun verkefnisins.

Skoðið myndirnar hér fyrir neðan og sjáið hvernig liturinn færist smám saman yfir refilinn. Fylgist einnig með okkur á Facebook þar eru reglulega settar inn myndir af galvösku saumafólki og sagðar fréttir af framgangi verksins.